Tentoi të shiste një pronë të paluajtshme pa dijeninë e pronarit, policia arreston të dyshuarin

Kronikë e zezë

Tentoi të shiste një pronë të paluajtshme pa dijeninë e pronarit, policia arreston të dyshuarin

Më: 16 korrik 2020 Në ora: 16:48
Foto Ilustrim

Policia e Kosovës ka njoftuar se me datën 15 korrik 2020 ka intervistuar një person të dyshuar lidhur me veprat penale “Falsifikimi i dokumenteve” nga neni 390, “Mashtrimi” nga neni 323 dhe “Legalizimi i përmbajtjes së rreme” nga neni 395 i KPRK-së.

Sipas njoftimit, më datë 03.07.2020 në Policinë e Kosovës është raportuar për një rast të shitjes së një prone të paluajtshme, pa dijeninë e pronarit, për shumën në vlerë prej 203,000.00€.

Pas pranimit të kësaj informate, Drejtoria për Hetimin e Krimeve Ekonomike dhe Korrupsionit (DHKEK), gjegjësisht Njësiti Rajonal për Hetimin e Krimeve Ekonomike dhe Korrupsionit – Prishtinë, ka ndërmarrë të gjitha veprimet e nevojshme hetimore për identifikimin dhe arrestimin e person/ave të dyshuar, ku dhe si rezultat është bërë identifikimi i personit të parë të dyshuar i cili dyshohet se ka kryer veprat penale të lartë cekura.

“Lidhur me rastin, është bërë intervistimi i personit Sh. H., ku i njëjti është intervistuar në prezencën e avokatit mbrojtës dhe pas intervistimit në konsultim me prokurorin kompetent të njëjtit i është lëshuar vendim për ndalim për 48 orë.

Po ashtu lidhur me rastin janë duke u zhvilluar hetimet edhe ndaj tre të dyshuarve të tjerë të cilët dyshohet se në bashkëkryerje kanë kryer veprat penale të lartcekura”, thuhet në njoftim.

commentFirst article
Sot mund të lexoni Shfletoni kopertinat