Katër persona humbën jetën sot në ujërat shqiptare.Një ngjarje tragjike ndodhi në Dibër, ku një fëmijë u mbyt në lumin Drini i Zi.
Ka qenë një telefonatë në Spitalin e Dibrës, që ka dhënë lajmin e trishtë, pasi ka kërkuar një ambulancë, që të shkojë për të marrë të mbyturin në afëri të Luznisë, në lumin Drini i Zi.
Ambulanca dhe grupi hetimor janë nisur drejt vendngjarjes, ndërsa nuk dihet mosha dhe identiteti i fëmijes.
Paraprakisht në Lumin Vjosë, në Fier u mbyt një 30-vjeçar ndërsa në lumin Buna të Shkodrës humbën jetën dy persona të tjerë, një adoleshentë dhe një kalimtar i rastit i cili mbeti pa shenja jete pasi u hodh në lum për ta shpëtuar të riun.
