Po trafikonte 34 sirianë drejt Kosovës, policia arreston 40-vjeçarin - Bota Sot
Po trafikonte 34 sirianë drejt Kosovës, policia arreston 40-vjeçarin

Kronikë e zezë

Po trafikonte 34 sirianë drejt Kosovës, policia arreston 40-vjeçarin

Më: 13 gusht 2020 Në ora: 19:45
Foto Ilustrim

Në kuadër të operacionit policor të koduar ”Krasta” për parandalimin dhe goditjen e kalimit të paligjshëm të kufirit është vënë në pranga një 40-vjeçar Elbasani.

Shtetasi me iniciale V.K u kap në flagrancë nga policia duke transportuar me mjetin e tij 34 sirianë dhe do t’i dërgonte në Kosovë në mënyrë të paligjshme.

”Arrestimi i këtij shtetasi u bë për veprën penale “Dhënie ndihmë për kalim të paligjshëm të kufirit”, pasi u kap nga shërbimet e Policisë Rrugore, në qytetin e Elbasanit, duke transportuar me mjetin e tij, 34 shtetas sirian, për të kaluar kufirin me Kosovën, në mënyrë të paligjshme”, informon policia.

Operacioni u finalizua nga Sektori për Hetimin e Narkotikëve dhe Trafiqeve të Paligjshme në DVP Elbasan, në bashkëpunim me Sektorin e Qarkullimit Rrugor.

Në bashkëpunim me Prokurorinë e Rrethit Gjyqësor Elbasan vazhdojnë hetimet për venien para përgjegjësisë ligjore të personave të tjerë të përfshirë në këtë aktivitet kriminal.

Shfaq komentet
comments powered by Disqus
Sot mund të lexoni Shfletoni kopertinat