Policia rajonale e Gjilanit mbrëmë ka arrestuar pronarin e një lokali, i cili dyshohet se nuk respektoi masat e Qeverisë kundër përhapjes së koronavirusit dhe urdhërat e Policisë.
Lajmin e ka bërë të ditur kryeprokurori i Prokurorisë Themelore të Gjilanit, Jetish Maloku, i cili tha se mbrëmë është zhvilluar një aksion kontrolli në lokalet e gastronomisë.
“Është arrestuar një pronar i një lokali në Gjilan, nën dyshimin se nuk ka respektuar masat e Qeverisë dhe nuk ka zbatuar urdhërat e Policisë. I njëjti është ndaluar për 48 orë”, ka thënë Jetishi.
Gazeta Sinjali ka raportuar së gjatë këtij aksioni, janë arrestuar edhe 5 inspektorë komunalë, të cilët dyshohen për keqpërdorim të detyrës zyrtare.
