Një person është arrestuar në Deçan pasi ka refuzuar t’i prezantojë Policisë dokumentet personale.
Ngjarja ka ndodhur në rrugën ‘Luan Haradinaj’ në Deçan, rreth orës 10:30.
I dyshuari përveç që nuk ka prezantuar dokumentet e identifikimit, ai ka kanosur verbalisht zyrtarët policorë. Pas intervistimi, me urdhër të prokurorit i dyshuari është liruar në procedurë të rregullt.
“Është arrestuar i dyshuari mashkull kosovar pasi që i njëjti nuk ka prezantuar dokumentet personale për identifikim kur i është kërkuar nga Policia. I dyshuari përveç që nuk ka prezantuar dokumentet e identifikimit, ai ka kanosur verbalisht zyrtarët policorë. Pas intervistimit, me urdhër të prokurorit i dyshuari është liruar në procedurë të rregullt”, thuhet në raportin 24-orësh të Policisë së Kosovës.