Një aksident i rëndë trafiku raportohet të ketë ndodhur mbrëmë rreth orës 23:00 në fshatin Rufc të Lipjanit.
Si pasojë e këtij aksidenti janë lënduar dy persona, të cilët edhe janë dërguar për trajtim mjekësor.
“Mbrëmë rreth orës 23:00 në fshatin Rufc të Lipjanit ka ndodhur një aksident trafiku, ku një automjet për shkaqe akoma të panjohura ka humbur kontrollin dhe ka dalë jashtë rrugës”, ka thënë për media zëdhënësja e policisë për rajonin e Prishtinës, Flora Ahmeti.
Rasti është duke u hetuar nga njësiti kompetent në stacionin e Lipjanit.