Policia në Gjakovë ka arrestuar një person i cili dyshohet që ka vjedhur 10 euro në një tyrbe.
Rasti ka ndodhur mesnatën e së shtunës në rrugën “Skënderbeu” në Gjakovë, njofton policia në raportin 24 orësh.
“Është arrestuar i dyshuari mashkull kosovar pasi që i njëjti ka kryer vjedhje në tyrbe ku ka vjedhur nga kasaforta rreth 10 euro”, njofton policia.
I dyshuari është dërguar në mbajtje.
“Me vendim të prokurorit i dyshuari është dërguar në mbajtje”, thekson njoftimi i policisë.