Një aksident i rëndë trafiku ka ndodhur pasdite në dalje të qytetit të Pejës, rrugës për në Deçan.
Raportohet për katër persona të lënduar të cilët janë dërguar për trajtim në Spitalin e Përgjithshëm Rajonal të Pejës.
Aksidenti ka ndodhur në mes të një veture Mercedes ML dhe një Golf 4, që të dyja me targa vendore.
Për rastin është deklaruar edhe Policia e Pejës.
“Rreth orës 15:00 ka ndodhur aksident trafiku mes dy veturave, si pasojë e të cilit katër persona kanë pësuar lëndime trupore dhe janë dërguar në Spitalin e Pejës. Hetuesit janë në vendngjarje dhe informacione shtesë do të kemi sapo të përfundojnë ekzaminimet.”-deklaroi për ‘RADIO 1’, Driton Rugova – Zyrat për Informim i Policisë në Pejë.
Policia Rajonale ka dalë në vendin e ngjarjes.
Sipas dëshmitarëve shkak mendohet të ketë qenë mospërshtatja me kushtet e rrugës.
