Arrestohet blerësi dhe shitësi i narkotikëve në Pejë

Kronikë e zezë

Arrestohet blerësi dhe shitësi i narkotikëve në Pejë

Më: 27 tetor 2020 Në ora: 11:06
Foto ilustrim

Valdet Berisha është arrestuar nga Policia e Kosovës. Ai ishte në kërkim për veprën penale “blerje, posedim, shpërndarje dhe shitje e paautorizuar e narkotikëve”.

Policia derisa kanë njoftuar për arrestimin e tij, thonë se arrestimi u bë pas publikimit të fotografisë ku kërkohej ndihma e qytetarëve.

“Policia e Kosovës-Drejtoria Rajonale e Policisë në Pejë, me datë 23.10.2020, ka lëshuar kërkesë për bashkëpunim me qytetarë për arrestimin e personit të kërkuar VALDET (Muharrem) BERISHA, i cili kërkohej për veprën penale: “Blerje, Posedim, shpërndarje dhe shitje e paautorizuar e Narkotikëve””, thuhet në komunikatën për media nga policia.

“Policia e Kosovës falë bashkëpunimit me qytetarë pas publikimit të fotos së personit të kërkuar, ka arritur të siguroj informacion lidhur me vendndodhjen e të kërkuarit dhe me datë 25.10.2020,është bërë arrestimi i tij nga hetuesit e stacionit policor Pejë”, thuhet mes tjerash në njoftim.

Ndërkaq, i arrestuari është dërguar në ndalim policor për 48 orë. 

commentFirst article
Sot mund të lexoni Shfletoni kopertinat