Godet me grusht dhe i gris bluzën policit, arrestohet avokati

Kronikë e zezë

Godet me grusht dhe i gris bluzën policit, arrestohet avokati

Më: 27 tetor 2020 Në ora: 21:37
Ilustrim

Avokati Gjergj Neli ka rënë në pranga e policisë ditën e sotme në Lezhë, pasi ka kundërshtuar dhe goditur një polic.

Policia bën me dije se avokati dhe bashkëshortja e tij, Shaqe Marinaj, janë konfliktuar me një person tjetër, por në momentin që policia ka shkuar për të penguar përshkallëzimin e mëtejshëm të konfliktit, Neli ka  kundërshtuar me dhunë duke goditur me grusht dhe grisur bluzën njërit prej policëve.

Njoftimi i plotë:

Lezhë

Më datën 27.10.2020  rreth orës 15:10, në sallën operative të DVP ka ardhur një telefonatë për një konflikt, në afërsi të hotel turizmit Lezhë.

Menjëherë kanë shkuar shërbimet e Policisë në adresën e dhënë, ku kanë konstatuar shtetasin Gj.N.,dhe bashkëshorten e tij shtetasen Sh.M.,me profesion avokat duke u konfliktuar me një shtetas.

Punonjësit e Policisë kanë ndërhyrë për të penguar përshkallëzimin e mëtejshëm të konfliktit, por shtetasi Gj.N., i ka  kundërshtuar me dhunë duke goditur me grusht dhe grisur bluzen njërit prej punonjësve të Policisë.

Shtetasi Gj.N.u shoqerua në Komisariatin e Policisë Lezhë.

Në vijim të veprimeve nga oficeri i  Prokurorisë së Rrethit Gjyqësor Lezhë u bë arrestimi në flagrancë i shtetasit Gj.N.,68 vjeç, banues në Lezhë.

Materialet hetimore i kaluan Prokurorisë së Rrethit Gjyqësor Lezhë, për veprime të mëtejshme për vepren penale "Kundërshtimi me dhunë i punonjësit të rendit publik".

Shfaq komentet
comments powered by Disqus
Sot mund të lexoni Shfletoni kopertinat