Policia e Kosovës ka njoftuar se mbrëmë pas orës 20.00 në lagjen e Boshnjakëve në Mitrovicë është gjetur trupi i pajetë i një mashkulli, njoftojnë mediet serbe, transmeton “Bota Sot”.
Rasti është konfirmuar nga zëdhënësi i Policisë rajonale Branislav Radoviç, por nuk ka dhënë detaje tjera rreth gjendjes së trupit moshës, apo identitetit të tij.
"Policia ka gjetur një trup i pajetë në lagjen shumë etnike të Boshnjakëve, bëhet fjalë për trup të mashkullit, që nuk dihet identiteti i tij", ka thënë ai.
Organet përgjegjëse të sigurisë dhe hetimit janë parë në vendin e ngjarjes, për të hetuar rrethanat dhe shkaqet e këtij rasti.
Trupi i pajetë është gjetur nga policia e Kosovës rreth orës 20.00, e cila ka theksuar se pas hetimit do të jap njoftimet rreth rastit.