Heroinë dhe kanabis për shitje, arrestohen dy shpërndarësit e drogës në Korçë

Kronikë e zezë

Heroinë dhe kanabis për shitje, arrestohen dy shpërndarësit e drogës në Korçë

Më: 27 nëntor 2020 Në ora: 10:09
Droga

Policia e Korçës godet një rast të shpërndarjes së drogave të forta. Dy persona kanë rënë në pranga Fatmir Çaushllija,35 vjeç dhe Endri Risto, 36 vjeç ndërsa janë sekuestruar doza heroine dhe kanabisi të ndara në doza gati për shitje.

“Gjithashtu filloi procedimi penal në gjendje të lirë për shtetasit: O. K; M. Q; O. K; P. K; B. Xh; V. Th. dhe O. E., të cilët janë kapur në kohë të ndryshme nga forcat e Policisë, me doza heroine dhe kapsula metadoni, që dyshohet se i blinin tek shtetasit F. Ç. dhe E. R.”

Nga tërësia e veprimeve hetimore të kryera, u bë i mundur dokumentimi me prova ligjore i aktivitetit kriminal që këta shtetas e ushtronin në qytetin e Korçës, duke shpërndarë kundrejt fitimit, sasi lënde narkotike të llojit heroinë dhe kanabis, të ndarë në doza.

Materialet në ngarkim të tyre i kaluan Prokurorisë pranë Gjykatës së Shkallës së Parë Korçë, për veprime të mëtejshme.

commentFirst article
Sot mund të lexoni Shfletoni kopertinat