​Lënduan pesë zyrtarë policorë, arrestohen katër azilkërkues

Kronikë e zezë

​Lënduan pesë zyrtarë policorë, arrestohen katër azilkërkues

Më: 20 janar 2021 Në ora: 11:27
Foto ilustrim

Janë arrestuar katër persona, shtetas të huaj azilkërkues pasi kishin tentuar të futeshin me forcë në qendrën e azilkërkuesve në fshatin Magurë të Lipjanit.

Policia ka njoftuar se gjatë përpjekjeve për të mos u lejuar hyrja e tyre në qendër janë lënduar pesë zyrtarë policorë dhe po ashtu edhe azilkërkuesit.

“Janë arrestuar katër të dyshuar meshkuj shtetas të huaj azilkërkues të cilët nga kampi i azilkërkuesve në Mitrovicë kishin shkuar dhe tentuar të futën me forcë në qendrën e azilkërkuesve në fshatin Magurë, Lipjan. Gjatë përpjekjeve për mos ti lejuar të dyshuarit të futen brenda në qendër janë lënduar pesë zyrtarë policor. Si pasoj e rastit zyrtarët policor dhe të dyshuarit kanë pësuar lëndime dhe kanë pranuar tretman mjekësor”, thuhet në raportin e policisë.

Të dyshuarit kishin dëmtuar një veturë zyrtare pronë e qendrës së azilit dhe derën e hyrjes së qendrës në fjalë. Me vendim të prokurorit të dyshuarit janë dërguar në mbajtje dhe rasti vazhdon të hetohet.

Shfaq komentet
comments powered by Disqus
Sot mund të lexoni Shfletoni kopertinat