Policia e Kosovës ka arrestuar një person dje në rrugën Pavarësia të Hajvalisë, pasi gjatë kontrollit në veturën e tij është gjetur dhe konfiskuar një pistoletë me një karikator me 14 fishekë.
Kështu bëjnë të ditur burimet brenda policisë, ndërsa njoftojnë se është bërë bastisje në shtëpinë e të dyshuarit.
Të njëjta burime tregojnë gjatë bastisjes janë gjetur dhe konfiskuar: një armë (shkrepëse), një jelek anti plumb dhe një thikë.
Po ashtu, media raportoi dje lidhur me këtë dhe dy raste të tjera ku është bërë sekuestrimi i armëve nga Policia e Kosovës.
