Një shtëpi është përfshirë nga zjarri mbrëmë në lagjen Bregu i Diellit në Prishtinë.
Si pasojë e zjarrit është djegur i gjithë kati i tretë i kësaj shtëpie.
Me të marrë informatën në vendin e ngjarjes kanë arritur ekipet e zjarrfikësve dhe të policisë, por që më pas pati një problem në shuarjen e zjarrit.
Sipas burimeve, zjarrfikësit patën problem në shuarjen e zjarrit pasi u shpenzua uji që posedonin në rezervuar.
Kësisoj u desh që zjarrfikësit e një prej komunave të tjera të ndërhynin dhe të bënin shuarjen e tërësishme të zjarrit.
Deri në orët e para të mëngjesit familjarët kanë qëndruar jashtë shtëpisë, me shpresën se do të arrijnë të shpëtojnë shtëpinë e tyre.
Në rrezik nga ky zjarr ishte edhe një foshnje.