Një aksident i rëndë trafiku në mes katër automjeteve, dy në lëvizje, dy të parkuara ndodhi së fundi në Pejë.
Si pasojë e këtij aksidenti një person ka pësuar lëndime të rënda trupore dhe është dërguar pa shenja jete në emergjencë.
Gjithashtu u theksua se me vendim të prokurorit trupi i pajetë është dërguar në obduksion ndërsa i dyshuari është arrestuar dhe është dërguar në mbajtje.
“Pejë 06.02.2021-23:00. Raportohet për aksident trafiku në mes të katër automjeteve, dy në lëvizje dhe dy të parkuara, dyshohet se i dyshuari mashkull kosovar nga pakujdesia ka goditë veturën e viktimës mashkull kosovar. Përpos dëmeve materiale viktima ka pësuar lëndime të rënda trupore dhe ishte dërguar pa shenja jete në emergjencë. Vdekjen e viktimës e ka konstatuar mjeku kujdestar. Me vendim të prokurorit trupi i pa jetë dërgohet në obduksion ndërsa i dyshuari është arrestuar dhe është dërguar në mbajtje”.
