Vdes polici nga Gjilani, ishte 52-vjeçar

Kronikë e zezë

Vdes polici nga Gjilani, ishte 52-vjeçar

Më: 17 shkurt 2021 Në ora: 10:05
Ilustrim

Dugagjin Mehmeti, zyrtar policor në Drejtorinë Rajonale të Policisë së Kosovës në Gjilan, ka ndërruar jetë sot në moshën 52-vjeçare.

Lajmi për vdekjen e tij e ka bërë të ditur kjo drejtori, përmes një njoftimi për media.

“Të nderuar ju njoftojmë se sot, më 17 shkurt 2021, në moshën 52 vjeçare, ka ndërruar jetë zyrtari policor nga Drejtoria Rajonale e Policisë së Kosovës në Gjilan, Njësia për Këshillim dhe Përkrahje –  Dugagjin Mehmeti nga Gjilani”, thuhet në njoftimin e policisë.

Mehmeti i përkiste gjeneratës së IV të Policisë së Kosovës, që kishte filluar punën në viti 2000.

Karrierën në polici ai e kishte filluar në Stacionin Policor në Gjilan, duke punuar ndershëm dhe me përkushtim në njësite të ndryshme.

Një kohë të gjatë ai ishte mbikëqyrës në Njësinë për Këshillim dhe Përkrahje në Gjilan.

“Ne kolegët që punuam gjatë me të do ta përkujtojmë si një pjesëtar të devotshëm të Policisë së Kosovë”, thuhet tutje në njoftim.

Varrim i të ndjerit do të bëhet sot në fshatin Pasjak, pas Namazit të Drekës.

commentFirst article
Sot mund të lexoni Shfletoni kopertinat