Dy raste të dhunës në familje për një ditë në vend

Kronikë e zezë

Dy raste të dhunës në familje për një ditë në vend

Më: 7 mars 2021 Në ora: 10:00
Foto ilustrim

Gjatë 24 orëve të fundit në raportin policor janë raportuar dy raste të dhunës në familje, njëri në Gjakovë dhe tjetri në Malishevë, e që me vendim të prokurorit të dyshuarit janë dërguar në mbajtje.

Një burrë në komunën e Gjakovës pas një mosmarrëveshje ka sulmuar fizikisht bashkëshorten e tij, e cila më pas ka pranuar tretman mjekësor, është bërë e ditur nga Policia e Kosovës.

“Gjakove 06.03.2021-12:20. Është arrestuar i dyshuari mashkull kosovar, pasi që i njëjti pas një mosmarrëveshje ka sulmuar fizikisht bashkëshorten e tij viktimën femër kosovare. Viktima ka pranuar tretman mjekësor ndërsa, i dyshuari pas intervistimit me vendim të prokurorit dërgohet në mbajtje.”

Në komunën e Malishevës, një burrë në vazhdimësi ka ushtruar dhune psiqike ndaj bashkëshortes së tij, i cili me vendim të prokurorit është dërguar në mbajtje.

“Malishevë 06.03.2021. Është arrestuar i dyshuari mashkull kosovar pasi që i njëjti në vazhdimësi ka ushtruar dhune psiqike ndaj viktimës femër kosovare –bashkëshortes se tij. Me vendim të prokurorit i dyshuari dërgohet në mbajtje”, ka bërë të ditur Policia.

commentFirst article
Sot mund të lexoni Shfletoni kopertinat