Një zjarr që është shkaktuar si pasojë e djegies së njësoreve të rrymës ka shqetësuar banorët e një objekti banesor. Me këtë rast në vendngjarje kanë dalë edhe zjarrfikësit dhe Policia e Kosovës.
“Sot rreth orës 19:30, është pranuar informata për një incident zjarri ( janë djegur njësorët e rrymës) në një objekt banesor në rrugën “Dëshmorët e kombit” në Prishtinë”, ka bërë të ditur zyrtarja për informim e Policisë së Kosovës për rajonin e Prishtinës, Flora Ahmeti.
Ahmeti ka vënë në dukje se policia ka dalë në vendin e ngjarjes së bashku me zjarrfikësit, të cilët e kanë arritur të lokalizojnë zjarrin.
“Bazuar në të dhënat e deritanishme nuk raportohet për persona të lënduar”, theksoi ajo.