Pesë persona janë lënduar sonte si pasojë e një aksidenti në Mazgit të Obiliqit.
Lajmi për KosovaPress është konfirmuar nga zëdhënësja e policisë rajonale për Prishtinë Flora Ahmeti.
“Rreth orës 22:30 kemi pranuar informatën se në fshatin Mazgit ka ndodhur një aksident trafiku zinxhiror ku janë përfshirë disa automjete.
Bazuar në të dhënat e deritanishme, si pasojë e këtij aksidenti lëndime trupore kanë pësuar pesë persona, të cilët janë dërguar për trajtim mjekësor”, ka thënë Ahmeti duke shtuar se me rastin po merret njësiti i trafikut.
