Një person është plagosur si pasojë e gjuajtjes me armë zjarri në Pejë.
Policia njofton se rasti ka ndodhur rreth orës 22:15 minuta në afërsi të rrethit tek Stacioni i Trenit.
Personi i plagosur është dërguar për trajtim në Spitalin e Përgjithshëm Rajonal të Pejës.
Sipas policisë ende nuk dihen shkaqet dhe rrethanat, mirëpo janë në ndjekje të autorit/autorëve të mundshëm.
“Kemi një person të plagosur. Jemi në punë, nuk kemi diçka më shumë për media tash për tash”, tha Veton Elshani nga policia e rajonit të Pejës.
