Policia e Kosovës ka arrestuar dy persona të dyshuar për veprën penale “Lëndim i lehtë trupor”
Ata dyshohet se kanë sulmuar fizikisht një vajzë në banesën e tyre.
Sipas raportit të policisë, vajza kishte shkuar në banesën e të dyshuarve, pasi që ishte në lidhje dashurie me njërin prej tyre.
Mirëpo, kur shkoi atje, dyshohet se ajo u sulmua fizikisht nga i dashuri i saj dhe bashkëbanuesi i tij.
Për shkak të lëndimeve trupore që dyshohet se ia kanë shkaktuar ata, ajo ka pranuar tretman mjekësor.
Ndërkaq, të dyshuarit me vendim të prokurorit janë dërguar në mbajtje.
