Prishtinë-Mitrovicë, tre të lënduar në një aksident

Kronikë e zezë

Prishtinë-Mitrovicë, tre të lënduar në një aksident

Më: 8 korrik 2021 Në ora: 22:22
Foto ilustrim

Tre persona janë lënduar si pasojë në një aksident të trafikut që ka ndodhur sot rreth orës 18:40 në magjistralen Prishtinë-Mitrovicë, në fshatin Milloshevë.

Lajmin e ka konfirmuar zëdhënësi i Policisë së Kosovëss për rajonin e Prishtinës, Agron Borovci, i cili tha se në aksident ishin të përfshira tri automjete.

“Sot rreth orës 18:40, në rrugën “Prishtinë-Mitrovicë” respektivisht në fshatin Milloshevë, është raportuar për një aksident rrugor në mes të tri automjeteve. Bazuar në të dhënat fillestare nga vendi i ngjarjes, si pasojë e këtij aksidentit, ndihmë mjekësore kanë kërkuar tre persona”, ka thënë Borovci.

Sipas tij, njësia policore e trafikut ka dalë në vendin e ngjarjes dhe ka nisur një hetim lidhur me shkaqet që kanë sjellë deri te ky aksident. 

commentFirst article
Sot mund të lexoni Shfletoni kopertinat