Tri raste të dhunës në familje

Kronikë e zezë

Tri raste të dhunës në familje

Më: 24 korrik 2021 Në ora: 09:46
Ilustrim

Tri raste të dhunës në familje janë regjistruar gjatë 24 orëve të fundit në Kosovë.

Policia e Kosovës njofton se një rast ka ndodhur në Gjilan, ku është arrestuar i dyshuari pasi i dehur kishte rrahur bashkëshorten.

“Gjilan 23.07.2021 – 05:00. Është arrestuar i dyshuari mashkull kosovar, pasi që në gjendje të dehur kishte sulmuar fizikisht bashkëshorten e tij viktimën femër kosovare. Viktima ka pranuar tretman mjekësor”, thuhet në raportin 24 orësh të policisë.

Me vendim të prokurorit, i dyshuari është dërguar në mbajtje.

Rasti tjetër ka ndodhur në Istog. I dyshuari është arrestuar dhe më pas është dërguar në mbajtje.

“Istog, 23.07.2021 – 11:00. Viktima femër kosovare ka raportuar se bashkëshorti i saj mashkull kosovar ka ushtruar dhunë fizike ndaj saj dhe i ka shkaktuar lëndime trupore.

Viktima së bashku me fëmijët e saj është dërguar tek familja e saj, ndërsa i dyshuari është arrestuar. Me urdhër të prokurorit i njëjti është dërguar në mbajtje”.

Ndërsa, rasti tjetër ka ndodhur në rrugën “Vojvode Putnika”, rreth orës 22:30.

“Viktima mashkull kosovar ka raportuar se kishte një mosmarrëveshje me të atin e tij mashkull kosovar i cili nuk e ka lënë të futet në shtëpi pasi viktima ishte kthyer nga puna. Nuk raportohet as për të lënduar as të arrestuar”, thuhet në raport.

Rasti është duke u hetuar.

commentFirst article
Sot mund të lexoni Shfletoni kopertinat