Policia, gjatë kontrollit të një kamioni në Han t’Elezit, has në dy persona që tentonin të futen ilegalisht në vend

Kronikë e zezë

Policia, gjatë kontrollit të një kamioni në Han t’Elezit, has në dy persona që tentonin të futen ilegalisht në vend

Më: 28 korrik 2021 Në ora: 16:49
Pamje nga vendi i ngjarjes

Zyrtarët policorë të Stacionit të Policisë Kufitare-Hani Elezit, në hyrje për në republikën e Kosovës, në Terminalin Doganor, kanë kontrolluar me pajisje të veçantë (zbulues të pranisë së njerëzve në automjete) një kamion me targa të Republikës së  Maqedonisë së Veriut (RMV), i cili vinte i ngarkuar nga Turqia.

Gjatë kontrollimit, pas sinjaleve të marra është vendosur që rimorkio të hapet për kontrollim më të detajuar. 

Pas kontrollit, në rimorkion e kamionit janë hasur dy emigrant: A. Z. nga Algjeria i cili nuk posedonte dokumente identifikimi  dhe  T. A. nga Libia me një pasaportë të Libisë. Të dyshuarit  ishin futur në rimorkio të kamionit duke dëmtuar një pjesë të mbulojës së rimorkios. 

Image
Pamje nga vendi i ngjarjes

Gjatë intervistimit të tyre, ata deklarojnë se kanë ardhur nga Greqia në RMV para dy ditëve dhe me pas kanë tentuar të futën në Republikën e Kosovës.  Rasti është duke u trajtuar në koordinim me prokurorin kujdestar.

Shfaq komentet
comments powered by Disqus
Sot mund të lexoni Shfletoni kopertinat