Policia në Suharekë me datë 31 korrik 2021, rreth orës 15:51 minuta, kishte pranuar një informacion se në fshatin Duhel po dëgjohen të shtëna nga arma e zjarrit.
“Veprimet policore ishin të menjëhershme dhe gjatë patrullimit në atë lokacion gjetën se i dyshimti H. L, i lindur në vitin 1969, kishte shkrepur disa here në ajër me arsyen se kishte një aheng familjar.
Policia informoj prokurorin kujdestar dhe në cilësinë e provës materiale gjeti dhe sekuestroj një armën kallashnikov, prodhim kinez me nr. serik 05481-84, me një karikator dhe 27 fishekë të po kësaj arme kalibri 7.62 mm, gjithashtu janë konfiskuar si dëshmi materiale edhe katër (4) gëzhoja që dyshohet se janë gjuajtur nga kjo armë. Rasti po trajtohet në procedurë të rregullt hetimore”, thuhet në njoftim.
Policia rajonale në Prizren apelon te qytetarët që rastet e festave apo ahengjeve familjare të mos përdorim armë zjarri të cilat cenojnë sigurinë e qytetarëve dhe prishin rendin dhe qetësinë publike, andaj moto e policisë është: “Festo me zemër e jo me armë” dhe “Sa ma pak armë-ma pak tragjedi familjare”.
