Një person është plagosur me armë zjarri pasditen e së martës në fshatin Doganaj të Komunës së Kaçanikut.
Lajmin e ka konfirmuar zëdhënësi i Policisë së Kosovës për rajonin e Ferizajt, Basri Shabani.
Ai ka njoftuar se njësitet e policisë janë në vendin e ngjarjes, ndërkaq tha se i plagosuri është dërguar për trajtimin mjekësor në Qendrën e Mjekësisë Familjare në Kaçanik.
“Mund të ju konfirmoj se një plagosje me armë zjarri ka ndodhur në Dogana të Kaçankut, tek vendi i quajtur “Udhëkryqi i Flamurit”. Njësitet tona janë në vendin e ngjarjes për të kuptuar më shumë për rastin dhe motivet. I plagosuri është dërguar në Kaçanik për trajtim mjekësor. Për detaje tjera ju njoftojmë me kohë”, tha Shabani.
