Gjendet i vdekur personi i raportuar si i zhdukur në Ferizaj

Kronikë e zezë

Gjendet i vdekur personi i raportuar si i zhdukur në Ferizaj

Më: 17 shtator 2021 Në ora: 14:26
Ilustrim

Policia e Kosovës ka gjetur një person të vdekur sot në afërsi të fshatit Bablak të Ferizajt.

55-vjeçari ishte raportuar si i zhdukur nga familjarët e tij mbrëmë në Ferizaj, ndërsa ai është gjetur në një veturë sot pa shenja jete.

Të gjitha njësitet relevante policore, përfshirë edhe Emergjencën e Ferizajt janë paraqitur në vendin e ngjarjes, ku nga ana e ekipit mjekësor është konstatuar vdekja e personit në veturë.

Në vendin e ngjarjes kanë dalë edhe ekipi i Institutit të Mjekësisë Ligjore të cilët e kanë tërhequr trupin e pajetë dhe me urdhër të Prokurorit të Shtetit ai është dërguar në IML në Prishtinë për obduksion.

Në bazë të hetimeve preliminare të Njësive Policore dhe ekipit të IML-së nuk është vërejtur ndonjë shenjë dhune në trupin e personit të pajete.

Rasti mbetet të trajtohet më tutje nga Sektori i Hetimeve Rajonale të DRP-së Ferizaj.

Shfaq komentet
comments powered by Disqus
Më të lexuarat
Sot mund të lexoni Shfletoni kopertinat