Mbrëmë u raportua se barnatorja “Green Pharmacy” ka qenë cak i një grabitjeje të armatosur, mbrëmë rreth orës 20:19, në lagjen “Lakrishtë”, në Prishtinë.
Një person i armatosur, i cili shihet në pamjet e kapura nga kamerat e sigurisë, ka arritur që të marrë një shumë të hollash nga arka e barnatores.
Farmacistja u ka thënë hetuesve policorë se hajni ka arritur që t’i grabisë 200 – 400 euro që ndodheshin në arkë.
Policia njofton se ende nuk ka arritur që ta arrestojë të dyshuarin, i cili në momentin e grabitjes ishte i maskuar.
