I riu ishte denoncuar i zhdukur nga familjarët dy ditë më parë, të cilët një ditë pas kallëzimit morën lajmin e kobshëm.
J.P., 18 vjeç nga Kaludhi, është gjetur i pajetë në shtratin e lumit Vjosë, në afërsi të fshatit.
Pas hetimeve paraprake të policisë fshihet një e vërtetë e hidhur: Viktima është hedhur nga një shkëmb.
Nga veprimet e kryera rezultoi se vdekja ka ardhur si pasojë e hedhjes nga lartësia, bëjnë me dije burime policore.
Të njëjtat burime shtojnë se J.P. vuante nga depresioni.
Materialet për rastin u referuan në Prokurorinë e Rrethit Gjyqësor Përmet për veprën penale shkaktimi i vetëvrasjes.
