Një person është arrestuar në Prishtinë, pasi që ka goditur me pasqyrë të veturës një zyrtar policor dhe më pas e ka sulmuar edhe fizikisht.
Rasti ka ndodhur derisa policia tentoi të ndalojë veturën e të dyshuarit “Mercedes”, mirëpo drejtuesi i veturës nuk është ndalur dhe ka goditur me pasqyrë të veturës një zyrtar policor.
Njësiti policor ka arritur të ndalë veturën dhe gjatë arrestimit i dyshuari ka rezistuar dhe ka sulmuar fizikisht një zyrtar policor i cili ka pranuar tretman mjekësor.
Zyrtarët policorë kanë vendosur situatën nën kontroll, ku gjatë kontrollit në një çantë, të cilën i dyshuari e kishte hedhur në tokë është gjetur dhe konfiskuar një armë “Zastava” e kalibrit 7.65 me një karikator dhe 15 fishekë.
Me urdhër të prokurorit pas intervistimit i dyshuari dërgohet në mbajtje.