Një foshnje tre muajsh ka gjetur vdekjen në banesën e gjyshes së tij në Tiranë.
Gjatë natës mes të martës dhe të mërkurës, në rrugën e “Qelqit”, në banesën e gjyshes, ka vdekur foshnja A.B., banues në Tiranë, bëjnë me dije burime policore.
Nga veprimet e kryera dhe deklarimi i nënës Q.A., 15 vjeçe, banuese në Tiranë, dyshohet se vdekja ka ardhur nga shkaqe natyrale, shtojnë të njëjtat burime.
Mësohet se foshnja i seksit mashkull rreth dy muajsh e gjysmë, pjesë e komunitetit rom, i ishte lënë në kujdestari gjyshes së tij nga e ëma.
Për ndjekje të mëtejshme lidhur me këtë rast, materialet iu referuan Prokurorisë së Tiranës, për vlerësim.