Të paktën 17 persona, mes të cilëve tre shqiptarë kanë përfunduar mëngjesin e djeshëm në prangat e policisë franceze gjatë shkatërrimit të një rrjeti prostitucioni në Nice.
Mësohet se tre shqiptarët menaxhonin aktivitetin kriminal, që vepronte në Rivierën Franceze. Tutorët shqiptarë, emri i të cilëve mbetet i panjohur vendosnin vajzat në lagje të ndryshme të Nices për të prostituuar.
Vajzat detyroheshin nga tutorët të jetonin në apartamente me qira në lagjet e varfra përgjatë stacionit hekurudhor Thiers.
Përveç 3 tutorëve, katërmbëdhjetë prostituta u arrestuan gjatë aksionit. Ndërkohë autoritetet franceze po vijojnë punën për zbardhjen e plotë të skemës së rrjetit dhe bashkëpunëtorëve të mundshëm.