Ka ndërruar jetë në spitalin e Traumës në Tiranë, gruaja 45-vjeçare e cila një ditë më parë u vetëdogj me benzinë në Lezhë, në fshatin Tresh ku ajo jetonte.
B.P, ishte me probleme të shëndetit mendor. Në një ambient ngjitur me banesën ajo leu trupin me benzinë dhe i vuri flaken vetes.
Para se ti vinte flakën vetes i ka telefonuar kunatës por s’i ka folur duke e lënë telefonin hapur dhe menjëherë i ka vënë flakën vetes.
Kunata ka bërë të mundur fikjen e flakëve, por 45-vjeçarja kishte pësuar djegie të rënda në trup.
Pas ndihmës së parë mjekësore të dhënë në Spitalin e Lezhës, ajo u transportua për në Tiranë për ndihmë mjekësore më të specializuar. Por gjatë ditës së sotme ndërroi jetë.
B.P vuante prej kohësh nga sëmundje mendore, kjo e pasqyruar edhe në kartelën mjekësore.
Edhe para disa vitesh gruaja ka tentuar të helmojë veten.