Policia e Kosovës ka arrestuar një person i cili me veturën tij ka goditur një këmbësore në fshatin Tërstenik të Drenasit.
Ndërsa, këmbësorja e goditur është dërguar për trajtim mjekësor në QKUK.
“Është arrestuar i dyshuari mashkull K-Shqiptar, pasi që i njëjti përderisa ishte duke lëvizur me veturën me targa lokale ka goditur këmbësoren –viktimën femër K-Shqiptar. Viktima ka pësuar lëndime trupore dhe e njëjta është dërguar për tretman mjekësor në QKUK”, thuhet në njoftimin e PK-SË.
Me vendim të prokurorit i dyshuari, është dërguar në mbajtje./BS