Një 36-vjeçar i shpallur në kërkim është arrestuar ditën e djeshme nga policia e Beratit.
Bëhet fjalë për Elidon Durron, i cili ishte shpallur në kërkim ndërkombëtar nga Inerpol/Roma pasi Gjykata e Torinos Itali, ka lëshuar urdhër arresti ndërkombëtar për kryerjen e veprës penale “Trafikim i lëndëve narkotike”.
Pas arrestimit, policia bën me dije se materialet hetimore i kanë kaluar Prokurorisë së Rrethit Gjyqësorë Berat për veprën penale “Trafikim i lëndëve narkotike”.
Njoftimi i policisë
Specialistët e Seksionit për Hetimin e Narkotikeve në DVP.Berat në bashkëpunim me Komisariatin e Policisë Skrapar, në vijim të punës për kapjen e shtetasve të shpallur në kërkim, kanë bërë kapjen dhe arrestimin e shtetasit të shpallur në kërkim ndërkombëtar.
• Elidon Durro, 36 vjeç, banues në lagjen “5 shtatori”, Çorovodë.
Shtetasi i lartpërmendur është shpallur në kerkim ndërkombetar nga Inerpol/Roma pasi Gjykata e Torinos Itali, ka lëshuar urdhër arresti ndërkombëtar me nr. SIEP 36/2010 datë 14.07.2017 për kryerjen e veprës penale “Trafikim i lëndeve narkotike”, parashikuar nga nenin 372, 81 dhe ligjit nr 309/1990 të Kodit Penal Italian.
Materialet i kaluan Prokurorisë së Rrethit Gjyqesorë Berat për veprën penale “Trafikim i lëndëve narkotike” parashikuar nga neni 283/a i Kodit Penal.