Një polic është sulmuar nga një i dyshuar në Prishtinë, i cili fillimisht ka bllokuar rrugën me veturë.
Sipas Policisë, gjatë realizimit të detyrave zyrtare, dy zyrtarë policor janë marrë me të dyshuarin, i cili përveç pengimit/bllokimit të rrugës me veturën Peugeot me targa vendore që drejtonte në trafik nuk ka respektuar urdhrat e zyrtarëve policor në detyrë, dhe po ashtu i njëjti ka sulmuar zyrtarin policor gjatë përpjekjeve për të realizuar detyrën.
Sipas Policisë, është njoftuar prokurori kompetent lidhur me rastin, i dyshuari është shoqëruar në stacion sipas procedurave dhe në prezencë të avokatit mbrojtës është intervistuar, pastaj me urdhër verbal të prokurorit është liruar në procedurë të rregullt.
