Policia e Kosovës përmes raportit për incidentet e shënuara gjatë 24 orëshit të fundit në Kosovë, ka bërë të ditur që në këtë interval kohor është shënuar një numër i madh i aksidenteve dhe i dënimeve të shqiptuara në trafik.
Statistikat e këtij raporti tregojnë se vetëm në 24 orëshin e fundit janë shënuar gjithësej 37 aksidente trafiku në të gjithë Kosovën, ku 14 nga to ishin me të lënduar.
Numër i madh ishte edhe i gjobave të shqiptuara në trafik, ku Policia e Kosovës shqiptoi gjithësej 1037 dënime.
Ndryshe, ligji për gjobat e reja në komunikacion hyri në fuqi më datë 1 janar të vitit 2018, dhe nga atëherë është vërejtur një rritje e numrit të dënimeve të shqiptuara në trafik, mirëpo pa ulje të bilancit të aksidenteve.