Dy aksidente kanë ndodhur këtë të enjte në Dibër e për pasojë një person ka humbur jetën, ndërsa një tjetër është plagosur rëndë.
Incidenti i parë ka ndodhur në aksin rrugor Shupenzë- Peshkopi, ku një furgon ka goditur një kalimtar të moshës 70 vjeçare, duke e lënë të vdekur në vend. Policia e ka identifikuar viktimës si shtetasin me inicialet I.B
Aksidenti i dytë ka ndodhur në Maqellarë, ku një tjetër makinë ka goditur një këmbësor i cili ndodhet në gjendje të rëndë.
Policia e Dibrës i është lutur drejtuesve të automjeteve që të respektojnë rregullat e lejuara të shpejtësisë. Këtë të enjte në Dibër ka rënë një sasi e madhe shiu, duke e rritur edhe më shumë mundësinë për aksidente.
Informacion paraprak
Në aksin rrugorë Shupenzë-Peshkopi, pranë fshatit Vojnik, shtetasi J.K, duke drejtuar automjetin tip furgon ka përplasur këmbësorin shtetasin I.B. rreth 70 vjeç i cili ka humbur jetën.
Pranë fshatit Grezhdan, Maqellarë, shtetasi E.P, duke drejtuar automjetin tip Benz, ka përplasur këmbësorin shtetasin A.I, i cili po transportohet për ndihmë mjekësore në spital në gjendje të rëndë.
Paraprakisht dyshohet se shkak i aksidenteve të jetë lagështia në rrugë si pasojë e reshjeve të dendura të shiut të rëna në orët e fundit.
Grupet hetimore ndodhen në dy vend ngjarjet ku kanë ndodhur aksidentet dhe po hetojnë për zbardhjen e shkaqeve të tyre.
Policia e Dibrës ju lutet të gjithë drejtuesëve të automjeteve të repektojnë normat e shpejtësisë dhe rregullat e qarkullimit rrugor, të mos bëhen burim aksidenti për veten e tyre dhe për përdoruesit e tjerë të rrugës.