Policia raporton se në fshatin Shirokë të Suharekës tre persona pas një mosmarrëveshje lidhur me një parking për automjete, janë rrahur në mes vete.
Njëri nga të dyshuarit ka përdorur edhe armën e zjarrit ku dyshohet se është lënduar një kalimtar i rastit.
Viktima ka marrë tretman mjekësor në Qendrën e Mjekësisë Familjare Suharekë, ku më pas është liruar në shtëpi. Policia në vend te ngjarjes ka konfiskuar një pistoletë, një karikator dhe shtatë fishekë te kalibrit 9 mm. Pas intervistimit me vendimin e prokurorit, një person i dyshuar dërgohet në qendrën e mbajtjes, kurse dy të dyshuar tjerë lirohen.
