Një person nga Prilepi (51) dje ka ndërruar jetë në një aksident komunikacioni që ndodhi në rrugën Prilep-Gradsko në afërsi të pompës së benzinës “Lukoil”.
Siç thonë nga MPB, aksidenti ka ndodhur në orën 11:20 mes një kamioni me targa të Radovishit e drejtuar nga J.P (26) nga Radovishi dhe makinës “Fiat” me targa të Prilepit e drejtuar nga P.T nga Prilepi. Nga lëndimet e marra në vendin e ngjarjes ka ndërruar jetë shoferi P.T.
Hetime në vendin e ngjarjes ka kryer ekipi i Stacionit Policor në Prilep, ndërsa pas urdhërit të Prokurorit Publik trupi i të vdekurit është dorëzuar për autopsi.
