Persona të maskuar nën kërcënimin e armëve kanë grabitur një filiale të një banke në Fushë Kosovë, me ç’rast janë marrë një sasi e parave.
Grabitja ka ndodhur sot rreth orës 15:00 në rrugën “Nëna Terezë”.
Mbështetur në rezultatet e para të grupit hetimor që po zhvillon hetimet lidhur me rastin në fjalë, dyshohet se kjo grabitje është realizuar nën kërcënimin e armëve, njofton Policia e Kosovës.
Të dyshuarit janë larguar nga vendi i ngjarjes me një veturë, ndërkohë që policia po punon për të identifikuar grabitësit dhe vendndodhjen e tyre.
Nuk dihet sasia e parave të grabitura, ndërkohë që policia nuk ka dhënë emrin e bankës, filiali i së cilës është grabitur.