Policia e Tiranë bën të ditur se ka shpallur në kërkim një grua 46-vjeçare, të identifikuar me inicialet M. K.,
Mësohet se gruaja ka qenë protagoniste e një aksidenti automobilistik, pas të cilit, ajo ka kërcënuar me jetë dhe është larguar nga vendi i ngjarjes, për t’ju shmangur përgjegjësisë.
Për Policinë e Tiranës, mbi 46-vjeçaren M. K., materialet janë referuar në Prokurorinë pranë Gjykatës së Shkallës së Parë Tiranë, për veprat penale parashikuar nga nenet 273 e 84 të Kodit Penal.
Njoftimi i Policisë
Komisariati i Policisë Nr. 2
Më datë 30. 08. 2018, u referuan materialet në Prokurorinë pranë Gjykatës së Shkallës së Parë Tiranë, dhe punohet për kapjen e shtetases M. K., vjeçe 46, banuese në Tiranë, për veprat penale parashikuar nga nenet 273 e 84 të Kodit Penal.
Kodi Penal
Neni 84
Kanosja
Kanosja serioze për vrasje ose për plagosje të rëndë që i bëhet një personi, përbën kundërvajtje penale dhe dënohet me gjobë ose me burgim gjer në një vit.
Neni 273
Largimi nga vendi i aksidentit
Largimi nga vendi i aksidentit, i drejtuesit të automjetit apo të çdo mjeti të motorizuar, për t’u shmangur nga përgjegjësia penale, civile apo administrative, përbën kundërvajtje penale dhe dënohet me gjobë ose me burgim gjer në një vit.