Në prangat e policisë ka rënë një i akuzuar për vjedhje në qytetin e Beratit. 24 vjeçari Xhoni Spahiu u ndalua nga policia pasi dyshohet te ketë vjedhur një sasi lekësh në banesn e shtetases F.E.
Ja njoftimi i policisë:
Nga Specialistët e Seksionit për Krimet u bë arrestimi në flagrancë i shtetasit:
Xhoni Spahiu, 24 vjeç banues në lagjen ‘’30 Vjetori’’, ( i dënuar më parë për veprën penale "Vjedhja").
Arrestimi i tij u bë pasi në datën 07.09.2018, në lagjen ‘’22 Tetori’’, ka vjedhur një sasi lekësh në lokalin e shtetases F.E, 47 vjeçe, banuese në lagjen ‘’22 Tetori’’.
Materialet i kaluan Prokurorisë së Rrethit Gjyqësor Berat për veprën penale, "Vjedhja’’, parashikuar nga neni 134 i Kodit Penal.
