Një person është vrarë në natën e së dielës, në qytetin e Pejës.
Vrasja është kryer me armë zjarri, ndërsa viktima ka ndërruar jetë në vendin e ngjarjes, ka bërë të ditur Policia e Kosovës.
Rasti ka ndodhur rreth orës 22:00, afër Fabrikës së Bukës, në Pejë.
I vrari është i gjinisë mashkullore, ka treguar zyrtari për informim i Policisë së Pejës, Driton Rugova.
Ai ka bërë të ditur se Policia dhe Prokuroria tashmë ndodhen në vendin e ngjarjes.