Policia arreston tre persona në Istog, i kapi me 145 kilogramë marihuanë - Bota Sot
Policia arreston tre persona në Istog, i kapi me 145 kilogramë marihuanë

Kronikë e zezë

Policia arreston tre persona në Istog, i kapi me 145 kilogramë marihuanë

Më: 30 shtator 2018 Në ora: 12:55
Foto ilustrim

Prokuroria Themelore e Pejës, Departamenti i Krimeve të Rënda, dje më 29 shtator 2018, rreth orës 13:00, është njoftuar nga Policia e Kosovës, përkatësisht nga njësiti për hetimin e trafikimit me narkotik, se në fshatin Veriq të Komunës së Istogut është ndaluar një veturë me rimorkio e cila dyshohet se po transportonte narkotik.

Sipas njoftimit nga zyra e Kryeprokurorit të Shtetit, prokurorja kujdestare e Prokurorisë së Pejës, menjëherë pas marrjes së kësaj informate ka dal në vendin e ngjarjes dhe ka ndërmarr të gjitha veprimet e nevojshme hetimore, të cilat kanë rezultuar me gjetjen në rimorkio të rreth 145 (njëqindedyzetepesë) kilogram narkotik, e cila dyshohet  të jetë e llojit marihuanë.

Pas kësaj prokurorja e çështjes ka marr aktvendim për ndalimin e tre personave, me dyshimin se kishin për të kryer vepër penale “blerja, posedimi, shpërndarja dhe shitja e paautorizuar e narkotikëve, substancave psikikotrope dhe analoge” nga neni 273 lidhur me nenin 281 dhe 31 të KPRK-së.

Lidhur me këtë rast kundër të pandehurve do të bëhet kërkesa për caktimin e paraburgimit, do të sekuestrohen mjetet e kryerjes së veprës penale dhe do të ndërmerren të gjitha veprimet hetimore me qëllim të ndriçimit të kësaj çështje penale.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...