Tre persona kanë mbetur të lënduar si pasojë e një aksidenti trafiku në rrugën Han i Elezit- Kaçanik.
Lajmin për Kallxo e ka konfirmuar zëdhënësi i Policisë së Rajonit të Ferizajt, Agim Gashi.
“Aksidenti ka ndodhur rreth orës 19:35 minuta. Shoferi i një veture të tipit ‘Mercedes’ e ka humbur kontrollin mbi veturën dhe ka dalë nga rruga. Tre persona kanë mbetur të lënduar”, tha Gashi.
Ai shtoi se personat e lënduar janë dërguar për trajtim mjekësor në QKMF të Kaçanikut.
Njësitet policore po merren me rastin.
