Një 27 vjeçar u plagos me armë në këmbë nga policia gjatë mbrëmjes së të hënës në kryeqytet. Sidian Tabaku lëvizte me një motor dhe dyshohet se nuk i është bindur urdhrit të policisë për të ndaluar.
Forcat “Shqiponja” i janë vënë në ndjekje ndërsa i riu pretendon se ndaj tij është ushtruar edhe dhunë fizike.
Shërbimi për Çështjet e Brendshme dhe Ankesave ka nisur verifikimin për rastin ndërkohë që sipas burimeve i riu rezulton i deportuar nga Zvicra. Rasti fillimisht u denoncua nga deputeti demokrat Ervin Salianji.
