Mbrëmë rreth orës 23:00, policia ka marrë informacionin se në rrugën “Simon Shiroka” në Prishtinë, një person është sulmuar fizikisht .
Bëhet fjalë për viktimën F. Sh, i cili ka pësuar lëndime trupore dhe i njëjti është dërguar në Qendrën Klinike Universitare, për të marrë tretmanin e nevojshëm mjekësor.
Lidhur me rastin është arrestuar një person i dyshuar: K.B mashkull, 26 vjeç , i cili pas intervistimit është dërguar në mbajtje për 48 orë.
Aktualisht në koordinim me prokurorin e shtetit po kryhen veprimet e fazës fillestare hetimore për të proceduar më tej në fazat e tjera.
