Gjilan, arrestohen dy persona për dhunë në familje

Kronikë e zezë

Gjilan, arrestohen dy persona për dhunë në familje

Më: 24 tetor 2018 Në ora: 16:46
Ilustrim

Prokuroria Themelore në Gjilan, Departamenti i Përgjithshëm, ka ndaluar dy persona, për shkak të dyshimit se kanë shkaktuar dhunë në familje.

Në rastin e parë, ekziston dyshimi i bazuar se i pandehuri M.T, në Komunën e Ranillugut, në këtë muaj, në vazhdimësi ka ushtruar dhunë fizike ndaj bashkëshortes së tij, të dëmtuarës, duke e goditur me grushte në fytyrë dhe pjesë të trupit, e cila për shkak të lëndimeve të pësuara ka kërkuar ndihmë mjekësore.

Në këtë mënyrë, i njëjti ka kryer veprën penale “Lëndim i lehtë trupor” nga neni 188 paragrafi 3 nën paragrafi 3.1 të Kodit Penal të Republikës së Kosovës.

Në rastin tjetër, dyshohet që i pandehuri F.S, në Komunën e Gjilanit, ka shkaktuar dhunë në familje, në atë mënyrë që nën ndikimin e alkoolit dhe me thikë e ka kanosur vajzën e tij L.F, deri në atë moment kur e dëmtuara ka arritur të i’a largojë thikën nga dora, me ç’ rast i njëjti përsëri ka tentuar ta godas, duke gjuajtur me një dru në drejtim të saj.

Me këto veprime, i njëjti ka kryer veprën penale “Kanosje” nga neni 185 paragrafi 4 lidhur me paragrafin 1 të Kodit Penal të Republikës së Kosovës.

Në të dy rastet, prokuroria ka lëshuar aktvendim mbi ndalim, në kohëzgjatje prej 48 orësh, si dhe ka ushtruar kërkesat për caktimin e paraburgimit, në afat prej 30 ditësh, ndaj dy të pandehurve, në Gjykatën kompetente në Gjilan.

commentFirst article
Sot mund të lexoni Shfletoni kopertinat